சொர்க்கம் உன் காலடியில்

எல்லோரும் அஞ்சுவது இறப்பிற்கு
இறக்கும் நாள் தெரிந்தால் வாழும் நாட்கள்  நரகமாகும்

சொர்க்கம் இருப்பது  உண்மை என்றால்
நரகம் இருப்பதும் கூட உண்மையாகும்
சொர்க்கத்தில் எல்லாம் கிடைக்கும் என்றாலும்
அங்கு செல்வதற்கு யாரும் இறக்கத் தயாரில்லை

நாம்  இருக்கும் இடம் நரகம் என்றாலும்
யாரும் இறக்கத் தேவையில்லை
சொர்க்கமோ, நரகமோ
இல்லாத ஒன்றை, யாரும் காணாத ஒன்றை
காணத் துடிக்கும் மனமே

ஒரு கணம் நில்!

நான் வாழும் பூமியே சொர்க்கபூமி
இங்கு இல்லாதது எங்கு இருக்க முடியும்

என்ன இல்லை இங்கு?

எல்லோருடைய ஆசைக்குத்  தேவையானது இங்கு இல்லாது  இருக்கலாம்
ஆனால் எல்லோருடைய தேவைக்கு வேண்டியது இங்கு எல்லாம் இருக்கிறது
அதற்க்கு மேல்
இல்லாததைப்  படைக்க உனக்கு அறிவு இருக்கிறது

உன் தேவை என்ன?
உன் ஆசை என்ன?

இது சொர்க்கமா?
இல்லை நரகமா?

தேர்ந்தெடுப்பதும் அல்லது மாற்றுவதும் உன்கையில்

மனிதனே உழைக்கத் தயாராகு
உழைக்கத் தயாரானால்
சொர்க்கம் உன் காலடியில்
நரகம் உன் கனவில் கூட தெரியாது