ஆயிரம் பூக்கள் மலர்ந்தாலும் - சில
அருகினில் இருந்தும் மணப்பதில்லை!
தோள் கொடுப்பார் எனத் தேடுகையில் - அவர்
தோற்றமே இங்கே நிலைப்பதில்லை!
முடியும் பொழுதும் 'முடியாது' - என
முகமூடி அணிந்து வருபவரை,
கடியும் சொல்லால் காய்ந்து விடாமல்
கனிவாய் மெல்ல விலகி விடு!
உதவும் கரங்கள் இல்லாத - அந்த
உறவால் நமக்கும் பயனில்லை!
பயனில்லாத நட்பினைப் பேணுதல் - வெறும்
பாழ்நிலம் அதனில் விதைப்பதே!
விளக்காய் இருப்பார் என நினைத்து - நாம்
வெட்டவெளி இருளில் நிற்க வேண்டாம்,
நயவஞ்சக நட்பை நழுவ விட்டு - நல்
நம்பிக்கை ஒளியில் நடைபோடு!
